元朗食乜好 承传3代人情味 人龙车仔麵+无敌辣汁+30几款配

2020-06-18

(Presented by 永年士多)

入元朗搵食,好多人都会集中火力主攻大马路、鸡地和又新街一带,其实只要行过少少,教育路一样有精彩好味嘅「景点级」地标美食等紧你!讲紧嘅係喺元朗无人不识,有几十年历史嘅「永年士多」车仔麵。点解明明叫士多,但又卖紧车仔麵?仲要应街坊徇众要求,冲出元朗去埋九龙同港岛开设分店嘅呢?一切都源于品牌背后一个连繫三代人情味嘅香港故事。

元朗食乜好 承传3代人情味 人龙车仔麵+无敌辣汁+30几款配
元朗总店内现时仍保留当年「永年士多」手写大招牌,为焕然一新嘅环境保留一丝昔日情怀。

传说中嘅元朗长龙车仔麵

真人真事,话说Dining 娜Call车由九龙到访元朗「永年」当日,当司机得悉目的地係元朗「永年」时,已即刻忍唔住话呢间车仔麵好出名又好食!自己几年前经元朗朋友推介试食下成为粉丝,仲经常跨区过嚟医肚。随后更坐言起行等到达目的地后,自己都要话要抖一抖叹返碗车仔麵先继续开工!(利申:司机当时未知Dining娜身份,纯粹只想同车上乘客分享元朗美食。)

元朗食乜好 承传3代人情味 人龙车仔麵+无敌辣汁+30几款配
自选餸麵系列,分别可选3餸、5餸、7餸同10餸!啱晒唔同胃口喜好嘅你,想食咩都可以自行配搭。樽仔奶茶同红豆冰係招牌特饮,偶尔心多想饮晒两样,可以叫杯变奏版奶茶红豆冰。
元朗食乜好 承传3代人情味 人龙车仔麵+无敌辣汁+30几款配
想食齐10个餸,但又有选择困难症?直接点碗已有齐最出名嗰10样餸嘅「大碗麵」就得啦!

承传三代元朗街坊人情味

话说上世纪60年代创办人刘永年,喺屏山一带以手推车贩卖粥麵小食,到70年代搬入元朗现址改为经营士多,兼售肠粉、小食同汽水。直到80年代中期交由儿子刘伟雄接手,鉴于当时考虑到第三代已出世,为咗养妻活儿和应付供楼,于是决心增设车仔麵嚟增加收入。由于口味独特出众,所以一直好受元朗同邻区街坊欢迎,仲成日出现人龙排队嘅墟冚场面。

元朗食乜好 承传3代人情味 人龙车仔麵+无敌辣汁+30几款配
经典4宝麵($51) ,猪肠爽嫩、猪红香甜 、猪皮弹牙、萝蔔无渣,全部都劲入味!抹茶红豆冰($15跟餐,$25正价),加入细磨冰碎,冰冻得嚟又唔会沖淡饮品本身味道。
元朗食乜好 承传3代人情味 人龙车仔麵+无敌辣汁+30几款配
南乳猪手虾籽捞麵 ($48),选用本地即日新鲜猪手烹调,猪手注满南乳鲜咸豆香,猪手皮弹滑, 猪手肉腍嫩,加上元朗虾籽麵同药材汤底,成为近期大热新品。

味道不变同时与时代接轨

「永年」近年已交由第三代刘逸轩同刘逸晋两兄弟,齐心打理呢个承传三代人嘅家庭品牌。鉴于时代环境急速转变,两兄弟决心要注入新气象,由店面厨房、经营模式、製作手法,以至品牌形象等都嚟个大翻身。先喺屯门自设2,000几呎中央厨房,确保喺安全卫生又高效嘅电气化厨房里面,统一处理所有食材前期製作程序,再喺第朝早将食材送至各分店。

元朗食乜好 承传3代人情味 人龙车仔麵+无敌辣汁+30几款配
招牌猪大肠,以独家秘方腌製同炆煮3小时至入味腍身,再放入冰水里面保持爽弹质感。每条原整分明、乾净少肥膏(可选半肥瘦肠),入口爽嫩兼有微微药材香。
元朗食乜好 承传3代人情味 人龙车仔麵+无敌辣汁+30几款配
韭菜猪红係另一小食推介!猪血约一立方吋小截手指头般迷你size,方便快速入味,配以炸蒜,更显惹味!有别于其他大size猪红只得表皮有味,呢度嘅猪血外爽内腍,由外至内都超入味。

汤底同辣汁成就永年精萃

随机问几位街坊有咩心水推介,发觉每个人答案都好唔同。负责人阿晋笑言:「每个人心里面都有一碗属于自己嘅车仔麵。」咁就等我哋重点讲吓几款只此一家嘅味道啦!首先汤底用咗大量老鸡、猪筒骨、鸡脚、果皮同十几种药材,每日熬煮三小时,汤清味浓兼有药材香。秘製辣汁混合非洲野生小辣椒、大红椒、印度鬼椒同几十种香料调配,辛香层次分明、辣劲余韵持久。

元朗食乜好 承传3代人情味 人龙车仔麵+无敌辣汁+30几款配
好多人为咗呢个秘製辣汁而经常帮衬,仲有 5种辣度,建议初次品尝由细辣开始,再慢慢加辣。
元朗食乜好 承传3代人情味 人龙车仔麵+无敌辣汁+30几款配
腐乳通菜 $25,夏季是通菜当造季节,淋上豆香十足嘅同德兴腐乳,香咸爽脆 。

30几款车仔餸各有风味

店内有多达30几款车仔餸选择,每款都有专门配方调製,真正做到一餸一味!好似日卖过百斤嘅猪肠,就用咗花椒、八角、草果等製成嘅滷水汁煲至入味腍身,爽嫩少肥更零羶味。南乳猪手油润丰沛;猪红甜脆惹味;鸡翼满载陈年滷水香。萝蔔精选皮薄肉嫩嘅当造萝蔔,更只用最幼嫩嘅萝蔔芯部分,再加入调味炆煮,因此嚼而无渣、甘香清甜!振兴贡丸食落同样有惊喜。

元朗食乜好 承传3代人情味 人龙车仔麵+无敌辣汁+30几款配
鸡翼同鸡翼尖先用老抽同八角生腌,再用陈年滷水汁煮至起胶,食起嚟咸中带甜,十分滑嫩。

童年轶事营造味觉回忆

阿晋回想小时候哥哥同自己一放学,都会返到「永年」做功课、食嘢、玩耍同帮手。「嗰时父母要留喺舖头忙于工作,爷爷就已退休帮手凑孙,每日都会煮饭俾哥哥同我食,陪我哋散步倾偈,感情深厚。当年舖头有个好大嘅自助汽水柜,里面有成廿几款饮料,不过总店翻新后汽水柜已超额完成历史任务,而我哋亦开始钻研一系列自家製嘅港式特饮。」

元朗食乜好 承传3代人情味 人龙车仔麵+无敌辣汁+30几款配
樽仔奶茶($17)每日鲜製,混合几款茶王嘅茶香,入口顺滑。奶茶红豆冰($25)红豆由中央厨房熬煮至起沙,香甜绵滑。
元朗食乜好 承传3代人情味 人龙车仔麵+无敌辣汁+30几款配
无论係传统嘅红豆冰,抑或新派嘅抹茶红豆冰 (各$25), 都係炎炎盛夏开心消暑首选。
元朗食乜好 承传3代人情味 人龙车仔麵+无敌辣汁+30几款配
柠檬可乐、怀旧菠萝冰(各$25)同属港式经典特饮,分别选用新鲜柠檬同菠萝,散发天然果香。
元朗食乜好 承传3代人情味 人龙车仔麵+无敌辣汁+30几款配
翻新后元朗总店改走摩登简洁路线,并将原来摺枱摺椅改成卡位、吧枱等,更有迷你私人空间。
元朗食乜好 承传3代人情味 人龙车仔麵+无敌辣汁+30几款配
「永年」元朗总店座落教育路路口,非常显眼易找。

永年士多(元朗总店)

地  址: 元朗教育路88号宝城洋楼地舖2~4号电  话: 2477 3816营业时间:12:00nn~10:00pm(最后截单时间:9:30pm)

上一篇: 下一篇:

相关新闻

推荐阅读